FERÐ UM SUÐURHLUTANN

UPPGÖTVAÐU ÍSKALDAR ÓBYGGÐIR Í UNDURSAMLEGU VETRARUMHVERFI.

BÓKA NÚNA
HIN EINA SANNA SKANDINAVÍSKA UPPLIFUN

Í ferðinni okkar um suðurhluta Lapplands er lögð áhersla á að þú fáir sem mestan tíma undir stýri á hverjum degi í fjögurra daga ökuferð um ævintýralegt landslag og forna menningu norðurheimskautsins.

FERÐAÁÆTLUN FYRIR SUÐURHLUTANN
DAGUR 1
Flogið á Kiruna-flugvöll áður en farið er með þig á hið heimsfræga ICEHOTEL®. Boðið er upp á fimm rétta kvöldverð sem borinn er fram á ísklumpum úr vatninu og eftir það er í boði að gista yfir nótt í handgerðu ísherbergi.
DAGUR 2
Ekið til sveitarfélagsins Jokkmokk, þar sem farið er yfir norðurheimskautsbaug. Hér gefst tækifæri á að kynna sér menningu Sama og gæða sér á hefðbundinni máltíð þeirra, áður en farið er að gefa hreindýrunum. Eftir hádegisverð er ekið 95 km leið til Gallivare þar sem við tekur einstök ökuferð á ísilögðu vatni. Að þessu loknu er gott að slaka á í sánu og gufubaði á hótelinu.
DAGUR 3
Ekið yfir á hið óvenjulega Treehotel, sem er hátt í trjátoppum afskekkts furuskógar. Slakaðu á og njóttu matargerðar heimamanna í tjaldi við kertaljós á ísilögðu vatni.
DAGUR 4
Nú er komið að kveðjustund og þér verður ekið til Lulea-flugvallar þar sem þú flýgur aftur heim á leið.
SÉRFRÆÐINGAHÓPURINN

Faglegur, metnaðarfullur og gríðarlega reynslumikill hópur. Ekki einasta kunna sérhæfðir leiðbeinendur okkar að ná því besta út úr bílunum okkar heldur leggja þeir sérstaka áherslu á að deila þeirri kunnáttu þannig að þú getir líka sýnt þínar allra bestu hliðar.

SKOÐA MYNDASAFN
TREEHOTEL

Uppi í trjátoppunum finnurðu einn alsvalasta gististað heims. Sjö glæsileg gistirými sem sækja innblástur í hreiður fugla og fljúgandi furðuhluti taka vel á móti þér með umhverfisvænum munaði og tilkomumiklu útsýni yfir sænska norðrið.

NORÐURLJÓSIN

Þegar ekið er til Kiruna, nyrst í hinum sænska hluta Lapplands, gefst einstakt tækifæri til að upplifa stórkostlega ljósasýningu náttúrunnar og eftirminnilega stund sem gleymist seint.

ICEHOTEL<sup>®</sup>

Hér má finna heimsfræga sýningu á íslistaverkum og gista í herbergjum sem mótuð eru í ís þar sem er stöðugt frost á bilinu -5 til -8 °C. Einnig er í boði að gista í hlýjum lúxusherbergjum eftir hundasleðaferð eða gerð ísskúlptúra.

BÓKAÐU ÞÍNA LAPPLANDSUPPLIFUN

Fjögurra daga ískalt ævintýri í óbyggðum norðurheimskautsins.

BÓKA NÚNA

DAGSKRÁIN FER FRAM Á ENSKU

HAFA SAMBAND

LAPPLAND

Skrifstofur okkar eru opnar mánudaga til föstudaga frá kl. 9:00 til kl. 18:00 að Mið-Evróputíma.

Sími: +49 69 460 97 47 47
Netfang jlriceacademy@zerotwonine.com

ALGENGAR SPURNINGAR UM ÆVINTÝRAFERÐ Í LAPPLANDI
ALMENNT

Hver rekur ævintýraferðir Land Rover í Lapplandi?

Zum goldenen Hirschen X zerotwonine GmbH rekur ævintýraferðir Land Rover í Lapplandi með Land Rover, sem útvegar bílana og þjálfaða Land Rover-ökuleiðbeinendurna. Akstursdagskráin er hönnuð af Land Rover, auk þess sem umsjónarmaður fylgist með öllum þáttum akstursupplifunar þinnar og tryggir að allt gangi snurðulaust fyrir sig.

Hver ekur bílnum?

Þú! Hópur Land Rover-leiðbeinenda verður þér innan handar til að veita sérfræðiráðgjöf og tilsögn en það ert þú sem situr undir stýri.

Á hvaða tungumáli fer leiðsögn í ferðunum fram?

Dagskráin fer fram á ensku.

Hvaða önnur afþreying er í boði?

Hægt er að bæta öðrum aukaviðburðum við ferðina (gegn aukagjaldi) sem hægt er að kaupa fyrirfram þegar pantað er pláss. Frekari upplýsingar um þessa viðburði má fá með því að hafa samband við Zum goldenen Hirschen X zerotwonine GmbH með eftirfarandi leiðum:

Netfang: jlriceacademy@zerotwonine.com eða sími: +49 69 460 97 47 47 (9:00–18:00 (Mið-Evróputími), mánudaga til föstudaga, nema á almennum frídögum á staðnum. Símafyrirtæki kann að innheimta gjöld).

VERÐ

Hvenær er lokað fyrir bókanir?

Lokað verður fyrir bókanir fjórum vikum fyrir upphafsdag hverrar ferðar.

Þarf ég að kaupa viðbótartryggingu til að geta ekið?

Ekki er þörf á viðbótarbílatryggingu en áskilið er að gestir kaupi sér víðtæka ferðatryggingu. Hægt er að kaupa ferðatryggingar fyrir gesti með búsetu í Þýskalandi eða löndum sem eiga landamæri að Þýskalandi í gegnum rekstrarfélag okkar, Zum goldenen Hirschen X zerotwonine GmbH. Hafðu samband við þau með eftirfarandi leiðum:

Netfang: jlriceacademy@zerotwonine.com eða sími: +49 69 460 97 47 47 (9:00–18:00 (Mið-Evróputími),

mánudaga til föstudaga, nema á almennum frídögum á staðnum. Símafyrirtækið kann að innheimta gjöld).

Hvað er innifalið í verðinu fyrir Land Rover-ævintýraferðir í Lapplandi?

Eftirfarandi er almennt innifalið – allur akstur, hótelgisting (með tvíbreiðu rúmi), morgunverður, hádegisverður og kvöldverður, drykkir með mat og ferðir til og frá flugvellinum. Á ferðaáætluninni er að finna nákvæmar upplýsingar um það sem er innifalið. Hafðu í huga að vegna þess að akstur er stór hluti af dagskránni er áfengi eingöngu innifalið með kvöldverði og í takmörkuðu magni. Gosdrykkir, te og kaffi er innifalið með öllum máltíðum.

Hvað er ekki innifalið í verðinu fyrir akstursupplifunina?

Flug, máltíðir og drykkir sem ekki eru tilgreind í dagskránni, valfrjáls afþreying (til dæmis hundasleðaferðir), gjöld fyrir vegabréfsáritun (ef við á), ferðatrygging og aðrar ráðstafanir sem gerðar eru fyrir eða eftir ferðina og víkja frá ferðaáætluninni.

AKSTUR

Ég hef aldrei áður ekið á snjó og ís. Get ég samt sem áður tekið þátt í ævintýraferð Land Rover í Lapplandi?

Algjörlega – aksturinn er hugsaður fyrir ökumenn á öllum getustigum. Þú færð ítarlegar leiðbeiningar fyrir ökumenn og sérfróðir Land Rover-leiðbeinendur okkar verða þér innan handar til að veita sérfræðiráðgjöf og leiðbeiningar fyrir brottför og á leiðinni. Allir bílarnir okkar eru búnir talstöð og því geturðu alltaf náð í leiðbeinendurna meðan á ferðinni stendur.

Hvaða bílum fæ ég að aka?

Range Rover Sport

Einstaka sinnum gætum við þurft, og við áskiljum okkur rétt til, að skipta um eða skipta út tilgreindum bílum vegna kringumstæðna sem við höfum ekki stjórn á.

Eru bílarnir beinskiptir eða sjálfskiptir?

Allir bílar í þessari dagskrá eru sjálfskiptir.

Eru bílarnir með stýrið vinstra eða hægra megin?

Bílarnir eru ýmist með stýrið hægra eða vinstra megin. Viðskiptavinum sem þykir ekki þægilegt að aka öðrum hvorum megin í bílnum er velkomið að láta leiðbeinendurna vita og þeir munu þá gera sitt besta til að uppfylla þarfir þeirra.

Hver er lágmarksaldurinn fyrir þátttöku?

Lágmarksaldur fyrir þátttöku er 21 árs með fullt ökuleyfi í þrjú ár eða 23 ára með fullt leyfi í eitt ár.

Hvers konar ökuleyfi þarf ég að hafa?

Allir ökumenn verða að vera með fullt og gilt ökuleyfi. Ef þú ert með breskt ökuleyfi færðu sendan veftengil á vefeyðublað sem þú þarft að fylla út fyrirfram til þess að staðfesta gildi ökuleyfisins. Ef leyfið var gefið út annars staðar en á Bretlandi þarftu að fylla út eyðublað um ökuleyfi á kynningarfundinum. Ökuleyfið þitt verður að vera gilt og framvísa verður því daginn sem aksturinn fer fram.

Allir ökumenn verða að búa yfir að minnsta kosti þriggja (3) ára samfelldri akstursreynslu með fullt leyfi án þess að hafa lent í alvarlegu óhappi eða fengið sekt undanfarin tvö (2) ár. Að öðrum kosti þarf ökumaður að hafa að minnsta kosti eins (1) árs samfellda akstursreynslu með fullt leyfi án þess að hafa lent í alvarlegu óhappi eða fengið sekt á þeim tíma ef viðkomandi hefur náð 23 ára aldri. Ökumenn mega ekki vera með meira en 6 refsipunkta á ökuskírteininu sínu (þar sem við á) til að geta tekið þátt í hvers kyns akstri á vegum sem innifalinn er í dagskránni. Þú verður að láta okkur vita ef þú ert með fleiri en 6 refsipunkta á ökuskírteininu þínu.

Þarf ég að vera með tiltekna líkamlega getu eða í tilteknu líkamlegu ástandi til að geta tekið þátt?

Til að taka þátt í akstursupplifuninni skaltu vera viss um að þú vitir ekki til neinna aðstæðna sem gætu komið í veg fyrir að þú gætir ekið, svo sem langvinn bakveiki (eða svipað ástand), andlegt ástand sem gæti haft áhrif á ökuhæfni þína, slæm sjón sem uppfyllir ekki kröfur fyrir akstur, þungun eða hjartakvillar.

Hversu margir eru í hverjum bíl?

Tveir gestir deila hverjum bíl.

FERÐIR

Hversu löngum tíma er varið undir stýri?

Allt að 4 klukkustundum, allt eftir veðri.

Fæ ég minn eigin bíl ef ég er að ferðast ein(n)?

Nei. Ef þú ert ein(n) á ferð verðurðu í bíl með öðrum gesti. Þú færð hins vegar þitt eigið hótelherbergi.

Mega börn taka þátt í ævintýraferðunum í Lapplandi?

Ævintýraferðir Land Rover í Lapplandi henta ekki börnum af öryggisástæðum og vegna öfga í veðurfari á staðnum.

Hver er hámarksstærð hópa í hverri ferð?

Til að bjóða upp á sérstakari og skemmtilegri upplifun er markmið okkar að takmarka stærð hópa í ævintýraferðum Land Rover í Lapplandi við 10 gesti (tveir í hverjum bíl).

Hvernig rúm eru í boði?

Við bjóðum upp á tvíbreið rúm í öllum herbergjum. Einbreið rúm eru ekki í boði. Við bjóðum upp á herbergi af eftirfarandi gerðum á mismunandi hótelum.

Treehotel:

Ferð á norðurslóðir: Birds Nest, UFO, Cabin, BlueCone, Dragonfly, 7th room

Ferð um suðurhlutann: Birds Nest, UFO, Cabin, 7th room, Dragonfly

Quality Hotel: Fyrsta flokks tveggja manna herbergi

ICEHOTEL®: Hlýtt herbergi – Kaamos

Þú átt þess kost að uppfæra dvöl þína á ICEHOTEL® með því að skipta yfir í kalt herbergi (gegn aukagjaldi). Framboð og verð á uppfærslu í kalt herbergi verður gefið upp ef þess er óskað.

Hafðu í huga að pöntun þín á herbergi á Treehotel er samkvæmt reglunni fyrstur kemur, fyrstur fær.

Þarf ég vegabréfsáritun?

Flest lönd utan Evrópusambandsins þurfa vegabréfsáritun til að ferðast til Svíþjóðar og Evrópusambandsins. Hafðu samband við ræðismannsskrifstofuna á þínum stað til að athuga hvaða kröfur gilda fyrir þig. Þurfir þú boð til að fá vegabréfsáritun skaltu vinsamlegast láta Zum goldenen Hirschen x zerotwonine GmbH vita og þau munu útvega það. Hægt er að hafa samband við þau á eftirfarandi hátt:

Netfang: jlriceacademy@zerotwonine.com eða sími: +49 69 460 97 47 47 (9:00–18:00 (Mið-Evróputími),

mánudaga til föstudaga, nema á almennum frídögum á staðnum. Símafyrirtækið kann að innheimta gjöld).

Hvaða gjaldmiðill er notaður í Svíþjóð?

Innlendur gjaldmiðill er sænskar krónur (SEK).

Hvern get ég haft samband við ef ég þarf aðstoð með að bóka flug eða fá mér ferðatryggingu?

Zum goldenen Hirschen x zerotwonine GmbH, samstarfsaðili okkar, aðstoðar þig með ánægju við að bóka flug og kaupa ferðatryggingu. Hægt er að hafa samband við þau á eftirfarandi hátt:

Netfang: jlriceacademy@zerotwonine.com eða sími: +49 69 460 97 47 47 (9:00–18:00 (Mið-Evróputími),

mánudaga til föstudaga, nema á almennum frídögum á staðnum. Símafyrirtækið kann að innheimta gjöld).

Þarf ég sérstakan fatnað?

Hitastigið við aksturinn getur farið niður í -30 °C eða meira og því biðjum við gesti um að taka með sér viðeigandi hlýjan, veðurþolinn fatnað og skófatnað. Fatnaður er ekki útvegaður og því mælum við með því að allir þátttakendur taki eftirfarandi með sér:

• Hlýja húfu
• Hlýja hanska/vettlinga
• Ullartrefil
• Hlýjan undirfatnað (með síðum ermum/skálmum)
• Jakka með góðri einangrun eða flíspeysu
• Nokkur létt lög til viðbótar sem hægt er að bæta við eftir þörfum
• Sterkan og þægilegan skófatnað (sem hentar fyrir akstur)
• Sólgleraugu

Hvaða kröfur eru gerðar um kvöldklæðnað?

Ekki eru gerðar sérstakar kröfur um kvöldklæðnað.

Má ég taka með mér myndavél eða upptökuvél?

Já, að sjálfsögðu, en hafðu í huga að drónar eru ekki leyfðir.

FERÐ Á NORÐURSLÓÐIR

Njóttu sömu mögnuðu fjögurra daga akstursupplifunarinnar í Lapplandi, en með minni tíma undir stýri.

FREKARI UPPLÝSINGAR
SENDA MÉR FRÉTTIR
Fáðu nýjustu fréttir af ævintýraferðum
BÆKLINGAR OG VERÐLISTAR
Frekari upplýsingar um Land Rover-bíla
BÓKA REYNSLUAKSTUR
Bókaðu reynsluakstur hjá næsta söluaðila
SETTU SAMAN ÞINN EIGIN BÍL
Notaðu hönnunarsvæðið til að hanna þinn draumabíl