ÆVINTÝRAFERÐ Í MOAB
VELDU FERÐ
QXVesElVUB0

Njóttu einstakrar upplifunar í Moab þar sem þú getur valið um tvær ævintýraferðir sem báðar innihalda mikinn torfæruakstur.

MOAB-UPPLIFUNIN ÞÍN

Borgin Moab er í suðvesturhluta Bandaríkjanna. Ferðafólk frá öllum heimshornum leggur leið sína þangað til að virða fyrir sér einstakt, rauðgrýtt landslagið sem hefur veðrast í meira en 300 milljónir ára við ágang veðurs, vinda og flóða.

HAFA SAMBAND
VELDU FERÐ Í MOAB
KLETTAKLÖNGUR
Fjögurra daga akstursupplifun sem er fullkomin kynning á alvöru torfæruakstri. Viðburðurinn fer fram á ýmsum leiðum í hinni fallegu og hrjóstrugu Moab-eyðimörk og er sannkölluð þolraun.
FREKARI UPPLÝSINGAR
KLETTAKLÖNGUR+
Fimm daga ævintýraferð þar sem þú færð að upplifa nokkrar af mikilfenglegustu akstursleiðum heims. Viðburðurinn fer fram í hinni fallegu og hrjóstrugu Moab-eyðimörk og reynir á færni þína í torfæruakstri.
FREKARI UPPLÝSINGAR
MYNDASAFN FYRIR ÆVINTÝRAFERÐ Í MOAB

Sjáðu hverju þú getur átt von á í ævintýraferð Land Rover í Moab.

SKOÐA MYNDASAFN
„Ógleymanleg upplifun! Þetta var ótrúlegt.“

LINDA, BANDARÍKJUNUM

SENDA MÉR FRÉTTIR

Skráðu þig til að fá fréttir um væntanlegar dagsetningar og pláss í boði

SENDA MÉR FRÉTTIR
ALGENGAR SPURNINGAR UM MOAB
ALMENNT

Hver sér um ferðirnar?

Alem International Inc. er rekstraraðili Land Rover-ævintýraferðanna í Moab, samkvæmt leyfi og með heimild Jaguar Land Rover. Þegar þú bókar gerirðu samning við Alem International Inc.



Hver ekur bílnum?

Þú! Hópur Land Rover-leiðbeinenda verður þér innan handar til að veita sérfræðiráðgjöf og tilsögn, en það ert þú sem situr undir stýri.



Hver er lágmarksaldurinn fyrir þátttöku?

21 árs aldur



Á hvaða tungumáli fer leiðsögn í ferðunum fram?

Dagskráin fer fram á ensku.

VERÐ

Þarf ég að kaupa viðbótartryggingu til að geta ekið?

Ekki er þörf á viðbótarbílatryggingu en áskilið er að gestir kaupi sér víðtæka ferðatryggingu.



Hvað er innifalið í verðinu fyrir Land Rover-ævintýraferðir í Moab?

Eftirfarandi er almennt innifalið: Allur akstur með Land Rover, hótelgisting, morgunverður, hádegisverður og kvöldverður, drykkir með mat og ferðir til og frá flugvellinum í Grand Junction. Hafðu í huga að vegna þess að akstur er stór hluti af dagskránni er áfengi eingöngu innifalið með kvöldverði og í takmörkuðu magni.



Hvað er ekki innifalið í verðinu fyrir akstursupplifunina?

Flug, máltíðir og drykkir sem ekki eru tilgreind í dagskránni, gjöld fyrir vegabréfsáritanir (ef við á), ferðatryggingar og aðrar ráðstafanir sem gerðar eru fyrir eða eftir ferðina og víkja frá ferðaáætluninni.

AKSTUR

Hvers konar ökuleyfi þarf ég að hafa?

JLR gerir kröfu um að allir ökumenn séu með fullt, viðurkennt og gilt ökuleyfi. Framvísa þarf skírteininu þegar mætt er í ferðina. ​



Hvaða bílum fæ ég að aka?

Land Rover Discovery, Range Rover og Range Rover Sport. Einstaka sinnum gætum við þurft, og við áskiljum okkur rétt til, að skipta um eða skipta út tilgreindum bíl vegna kringumstæðna sem við höfum ekki stjórn á.



Eru bílarnir beinskiptir eða sjálfskiptir?

Allir bílarnir eru sjálfskiptir.



Hversu margir eru í hverjum bíl?

Tveir (2) gestir deila hverjum bíl.



Hver er hámarksstærð hóps?

Til að bjóða upp á sérstakari og skemmtilegri upplifun er hámarksstærð hópa 16 gestir (tveir í hverjum bíl).



Fæ ég minn eigin bíl ef ég er að ferðast ein(n)?

Nei. Ef þú ert ein(n) á ferð verðurðu í bíl með öðrum gesti. Þú færð hins vegar þitt eigið hótelherbergi.



Þarf ég að vera með tiltekna líkamlega getu eða í tilteknu líkamlegu ástandi til að geta tekið þátt?

Til að taka þátt í akstursupplifuninni skaltu vera viss um að þú vitir ekki til neinna aðstæðna sem gætu komið í veg fyrir að þú gætir ekið, svo sem langvinn bakveiki (eða svipað ástand), andlegt ástand sem gæti haft áhrif á ökuhæfni þína, slæm sjón sem uppfyllir ekki kröfur fyrir akstur, þungun eða hjartakvillar. Ef þú tekur inn lyf skaltu gæta þess að vera með nóg til að það endist alla ferðina. Einnig verður heilbrigðismenntað starfsfólk með í för. Láttu okkur vita af öllum heilsufarsvandamálum sem gæti þurft að bregðast við.

FERÐIR

Hvernig er veðrið á þessum árstíma?

Í október og nóvember verður hlýtt í veðri yfir daginn, þar sem hitinn nær allt að 20-25 °C, en svalt á kvöldin, í kringum 4 °C og allt niður að frostmarki á næturnar. Í Moab eru sólardagar á ári yfirleitt fleiri en 300.



Mega börn taka þátt í Land Rover-ævintýraferðunum?

Af öryggisástæðum henta ferðirnar ekki börnum.



Þarf ég sérstakan fatnað?

Vertu með sterka og þægilega gönguskó, sokka, sólgleraugu, sólarvörn og húfu, auk vindjakka, flíspeysu og stuttermabols.




Hvaða kröfur eru gerðar um kvöldklæðnað?

Ekki eru gerðar sérstakar kröfur um kvöldklæðnað.



Hvaða önnur afþreying er í boði?

Á búgarðinum er hægt að fara í hestaferðir, vínsmökkun, flúðasiglingar, íþróttanudd og fleira. Frekari upplýsingar fást hjá staðarhöldurum.



Þarf ég vegabréfsáritun?

Hafðu samband við ræðismannsskrifstofuna á þínum stað til að athuga hvaða kröfur gilda fyrir þig. Þurfir þú boðsbréf til að fá vegabréfsáritun skaltu hafa samband við okkur og við sendum þér það.



Hvaða gjaldmiðill er notaður í Bandaríkjunum?

Innlendur gjaldmiðill er Bandaríkjadalur (USD).



Má ég taka með mér myndavél eða upptökuvél?

Að sjálfsögðu. Þú getur einnig komið með sérhæfðan búnað eins og GoPro-myndavél. Hins vegar er ekki heimilt að nota dróna á svæðinu.

SENDA MÉR FRÉTTIR
Fáðu nýjustu fréttir af ævintýraferðum
BÆKLINGAR OG VERÐLISTAR
Frekari upplýsingar um Land Rover-bíla
BÓKA REYNSLUAKSTUR
Bókaðu reynsluakstur hjá næsta söluaðila
SETTU SAMAN ÞINN EIGIN BÍL
Notaðu hönnunarsvæðið til að hanna þinn draumabíl