UPPLÝSINGA- OG AFÞREYINGARKERFI

    • MERIDIAN™ SURROUND-HLJÓÐKERFI
      MERIDIAN™ SURROUND-HLJÓÐKERFI

      Land Rover gekk til samstarfs við Meridian, fyrirtæki í fremstu röð á heimsvísu í framleiðslu hágæðahljóðtækni og stafrænnar hljóðvinnslu, til að þróa framúrskarandi hljóðkerfi í Range Rover Evoque. 825 W Meridian Surround-hljóðkerfi er aukabúnaður sem búinn er sextán hátölurum og tveggja rása bassahátalara sem skila kristaltærum háum tónum og drynjandi bassa um allt farþegarýmið. Nú hljómar tónlistin eins og hún á að hljóma.

    • TOUCH OG TOUCH PRO
      TOUCH OG TOUCH PRO

      InControl inniheldur fjölbreytt úrval háþróaðs tæknibúnaðar sem heldur utan um stafrænar tengingar og heldur þér í hnökralausu sambandi við bílinn þegar þú ert ekki í honum. Hægt er að bæta við þessi kerfi með ítarlegri tengipökkum: Connect og Connect Pro.

    • SKIPTUR SKJÁR
      SKIPTUR SKJÁR

      Skiptur skjár gerir ökumanni og farþega í framsæti kleift að horfa á mismunandi efni á 10" snertiskjánum. Ökumaðurinn getur t.d. notað GPS-leiðsögukerfið á meðan farþegi í framsæti horfir á DVD-disk eða sjónvarp. Ein stafræn, þráðlaus WhiteFire®-heyrnartól fylgja með.

    • CONNECT OG CONNECT PRO
      CONNECT OG CONNECT PRO

      Þessir pakkar auka enn við tengimöguleika bílsins. InControl Apps notar samhæf snjallsímaforrit til að auka enn við upplifun þína í bílnum, þar á meðal nýtt Spotify-forrit með aðgangi að meira en 30 milljónum laga. Með snertiskjánum geturðu fylgst með og stjórnað þínum Range Rover Evoque. Auk þess sem lífið verður einfaldara með tengingu við umheiminn í gegnum heitan Wi-Fi-reit og eiginleikum Pro-þjónustunnar.

    • PROTECT
      PROTECT

      Snjallsíminn er notaður sem gátt fyrir tengingu við Land Rover í gegnum Protect. Þar er hægt að sjá eldsneytisstöðuna og finna bílinn á stóru og fjölsetnu bílastæði, skrá ferðir og meira að segja athuga hvort skilinn hafi verið eftir opinn gluggi. Sérsniðin Land Rover-aðstoð fylgir einnig og hún, ef svo ólíklega vill til að til bilunar komi, getur sent greiningargögn og staðsetningarupplýsingar til fyrirtækisins sem aðstoðar. Í alvarlegum tilvikum tilkynnir neyðarsímtalaeiginleikinn neyðarþjónustu um staðsetningu þína.

    • PRO-ÞJÓNUSTA
      PRO-ÞJÓNUSTA

      Þessi þjónusta er fáanleg sem hluti af Connect Pro-pakkanum og Pro-þjónustunni og eykur við eiginleika upplýsinga- og afþreyingakerfisins til að skila efnismeiri og tengdari upplifun. Kerfið eykur enn við eiginleika Touch Pro og samanstendur af heitum Wi-Fi-reit og gagnatengingu sem gerir þér kleift að nálgast umferðarupplýsingar í rauntíma, birta götumyndir og leita á netinu.

    NÝJUNGAR

    • INGENIUM-VÉLAR
      INGENIUM-VÉLAR

      Framúrskarandi Ingenium-vélalínan inniheldur 150 og 180 ha. dísilvélar og 240 ha. bensínvél. Val á aflrás ræður því hvort hægt er að velja á milli sex gíra beinskiptingar og níu þrepa sjálfskiptingar.

    • LÉTT FJÖÐRUN
      LÉTT FJÖÐRUN

      Gormleggirnir eru úr áli og léttu stáli og hugvitssamlegt vökvaknúið endurkast þeirra dregur úr hljóði inn í farþegarýmið við högg. Kerfið tryggir einnig að áhrif ójafns undirlags eru nánast jöfnuð út.

    AFKÖST

    • ADAPTIVE DYNAMICS-FJÖÐRUN
      ADAPTIVE DYNAMICS-FJÖÐRUN

      Adaptive Dynamics-fjöðrun skilar framúrskarandi jafnvægi á milli þæginda og aksturseiginleika. Þetta fæst með því að greina hreyfingar bílsins minnst 1000 sinnum á sekúndu og stilla stífni höggdeyfanna eftir akstri og undirlagi. Stillingin er tafarlaus til að lágmarka velting, auka stjórn og gera aksturinn mjúkan og yfirvegaðan. Fjöðrunin greinir einnig torfæruaðstæður og fínstillir fjöðrun í samræmi við þær.

    • HEMLATOGSTÝRING
      HEMLATOGSTÝRING

      Þetta kerfi eykur lipurð og stöðugleika bílsins í beygjum. Kerfið vaktar og jafnar tog á milli hjóla til að auka grip og stýringu, hvort sem er á vegi eða í torfærum. Kerfið getur einnig aukið beygjuhraða og dregið úr undirstýringu með því að beita hemlunum á innra hjól að aftan og auka um leið tog í ytra hjólið til að tryggja stöðugleika.

    • NÍU ÞREPA SJÁLFSKIPTING
      NÍU ÞREPA SJÁLFSKIPTING

      Létt níu þrepa sjálfskiptingin er sparneytin og dregur úr losun koltvísýrings, auk þess sem hún býður upp á aukna stjórn við hál skilyrði, sem og við drátt, með sérstaklega hönnuðum lágum fyrsta gír. Skiptingin er einstaklega sterkbyggð og hentar fjölhæfni bílsins fullkomlega um leið og hún býður upp á fágun og sparneytni.

    AKSTURSGETA

    • FJÓRHJÓLADRIF
      FJÓRHJÓLADRIF

      Fjórhjóladrifið er óaðskiljanlegur hluti Range Rover Evoque og því staðalbúnaður með öllum vélum (nema eD4). Með undirbyggingu sem er einangruð að aftan og framan, stífri sjálfberandi yfirbyggingu og tæknilausnum á borð við snjallt fjórhjóladrif geturðu skellt þér í torfærurnar af auknu sjálfsöryggi.

    • TORFÆRUHRAÐASTILLIR
      TORFÆRUHRAÐASTILLIR

      Torfæruhraðastillirinn vinnur á mjög lágum hraða, á milli 1,8 og 30 km/klst., og gerir ökumanni kleift að viðhalda stöðugum hraða við erfið akstursskilyrði til að hann geti einbeitt sér að stýrinu og leiðinni fram undan. Hann tryggir einnig að hægt sé að taka mjúklega af stað, líka á mjög hálu yfirborði eins og ís, snjó eða blautu grasi.

    • TERRAIN RESPONSE
      TERRAIN RESPONSE

      Terrain Response býður upp á áður óþekkta akstursgetu. Kerfið fínstillir vélina, gírskiptinguna, mismunadrifið og undirvagninn til að hámarka aksturseiginleika, þægindi og grip á hvers kyns yfirborði. Aðeins þarf að velja stillingu sem hentar viðkomandi skilyrðum: Almennur akstur, gras/möl/snjór, aur/hjólför og sandur. Aksturinn er alltaf öruggur, alveg óháð aðstæðum.

    • HALLASTÝRING
      HALLASTÝRING

      Einkaleyfisvarin hallastýring Land Rover er staðalbúnaður í öllum fjórhjóladrifnum Land Rover-bílum. Hún auðveldar ökumanni að aka örugglega niður erfiðan halla með því að viðhalda stöðugum hraða og beita hemlum sjálfstætt á hvert hjól. Kerfið hægir sjálfkrafa á bílnum og viðheldur hraða í samræmi við valið gírsvið og stöðu inngjafarfótstigs.

    • VAÐSKYNJARAR
      VAÐSKYNJARAR

      Njóttu meira öryggis við akstur yfir læki, vöð eða vatnsflæmi. Vaðskynjarakerfið mælir dýpt vatnsins með skynjurum neðan á hliðarspeglunum og sendir rauntímaupplýsingar um bílinn til ökumanns. Upplýsingarnar og hámarksvaðdýpt bílsins eru birtar á snertiskjánum til að hægt sé að haga akstrinum á réttan hátt.

    • GRC-HEMLASTJÓRNUN
      GRC-HEMLASTJÓRNUN

      Þetta kerfi virkar svipað og brekkuaðstoð með því að koma í veg fyrir of mikla hröðun þegar ekið er niður brekku. Ef bíllinn er stöðvaður í brekku heldur kerfið hemlunum og losar þá svo smám saman þegar ekið er af stað.

    Akstursaðstoðarbúnaður

    • BÍLASTÆÐAAÐSTOÐ
      BÍLASTÆÐAAÐSTOÐ

      Bílastæðaaðstoðin auðveldar ökumanni að leggja samsíða eða hornrétt í stæði með því að stýra bílnum í stæðið. Eingöngu þarf að velja viðeigandi gír og stjórna hraða bílsins með hemlum og inngjöf. Kerfið auðveldar einnig akstur út úr stæði með viðeigandi leiðbeiningum. Til þess notar það myndir og tilkynningar.

    • 360° MYNDAVÉLAKERFI
      360° MYNDAVÉLAKERFI

      360° myndavélakerfið notar myndavélar til að skila þér mörgum sjónarhornum umhverfis bílinn. Það auðveldar þér að leggja í stæði og hentar frábærlega við flóknari viðfangsefni í akstri, t.d. þegar draga á hraðbát eða hestakerru. Þessi tæknilausn getur birt þér ólík sjónarhorn á sama tíma, en með henni er einnig hægt að breyta aðdrætti og skima til og frá. Þannig geturðu verið viss um að sjá bæði hluti og sjónarhorn sem venjulega sæist ekki til.

    • BLINDSVÆÐISSKYNJARI
      BLINDSVÆÐISSKYNJARI

      Blindsvæðisskynjarinn lætur þig vita af bílum á blindsvæðum eða sem nálgast þau hratt með litlu viðvörunarljósi í viðkomandi hliðarspegli. Bakkskynjarinn varar við mögulegri hættu beggja vegna bílsins með bæði hljóðmerkjum og sjónrænum merkjum svo að þú vitir hvað er fyrir aftan þig, jafnvel þótt eitthvað byrgi þér sýn.

    • AKREINASTÝRING MEÐ ÖKUMANNSSKYNJARA
      AKREINASTÝRING MEÐ ÖKUMANNSSKYNJARA

      Akreinastýringin greinir þegar bíllinn reikar yfir á næstu akrein og beinir þér mjúklega til baka. Hvíldarviðvörunin greinir þegar þig fer að syfja og lætur þig vita þegar þú ættir að taka þér hlé frá akstri.

    • SJÁLFVIRKUR HRAÐASTILLIR
      SJÁLFVIRKUR HRAÐASTILLIR

      Þegar þú ekur á hraðbrautinni eða í þungri og hægri umferð hjálpar kerfið þér að halda öruggri fjarlægð frá bílnum fyrir framan, ef ske kynni að hann hægi á sér eða stöðvist. Þegar bíllinn fyrir framan eykur hraðann á ný gerir Range Rover Evoque það líka.

    • UMFERÐARSKILTAGREINING
      UMFERÐARSKILTAGREINING

      Umferðarskiltagreiningin tryggir að ökumaður hafi réttar upplýsingar með því að birta tiltekin umferðarskilti greinilega á mælaborðinu og á sjónlínuskjánum, sé hann uppsettur. Kerfið greinir hraðatakmörkunarskilti (þar með talið yfirhangandi skilti á vegum með breytilegan hámarkshraða) og umferðarskilti með viðbótarupplýsingum, t.d. um lægri hraða vegna bleytu á vegum.

    ÞÆGINDI OG BÚNAÐUR

    • RAFKNÚINN AFTURHLERI MEÐ HANDFRJÁLSRI OPNUN
      RAFKNÚINN AFTURHLERI MEÐ HANDFRJÁLSRI OPNUN

      Með rafknúnum afturhlera með handfrjálsri opnun er hægt að opna og loka með bendingum fyrir utan bílinn í stað þess að þurfa að taka í afturhlerann eða nota snjalllykilinn. Þegar snjalllykillinn greinist er hægt að opna með sparkhreyfingu undir bílinn með aðstoð skynjara sem eru sitt hvorum megin við afturhlerann.

    • HOMELINK®
      HOMELINK®

      Auðveldaðu þér lífið með HomeLink®-kerfinu. Hægt er að forrita þennan altæka sendi til að stjórna þremur þráðlaust stýrðum kerfum á heimili eða vinnustað, svo sem bílskúrshurðum, hliðum eða lýsingu. Týndar fjarstýringar valda aldrei aftur vandræðum.

    • STILLANLEG STEMNINGSLÝSING Í INNANRÝMI
      STILLANLEG STEMNINGSLÝSING Í INNANRÝMI

      Þessi eiginleiki gerir þér kleift að stilla lit og áferð lýsingarinnar í innanrými bílsins til að hún falli að stemningunni hverju sinni. Hægt er að velja á milli tíu ólíkra lita, allt frá íshvítum til skærrauðs.

    • HITA- OG LOFTSTÝRING
      HITA- OG LOFTSTÝRING

      Þetta kerfi er búið loftskynjara sem greinir rakastig, loftmengun og öfgar í veðri. Loftunarop víðs vegar um bílinn gera þér kleift að stilla hitastig innanrýmisins eftir þeim upplýsingum. Þægindi farþeganna eru tryggð, hvar sem þeir sitja.