ALGENGAR SPURNINGAR UM PIVI OG PIVI PRO SKJÁKERFI

**Er hægt að setja upp „uppáhalds“ í stöðvalista útvarpsins?** Já, „Favourites“ listinn birtir allar uppáhalds stöðvarnar þínar óháð bylgju, t.d. FM, AM, DAB – og auðveldar þér að stilla á uppáhalds útvarpsrásina þína án þess að þurfa að skipta um bylgju.
Þú getur líka stillt á uppáhalds útvarpsrásina þína beint frá útvarpsviðmótinu á upphafsskjánum með því að smella á stjörnuna og þriggja línu táknið á miðlaflekanum.
Þú getur líka ýtt á raddstýringarhnappinn á stýrinu og notað raddskipun til að skipta yfir á tiltekna útvarpsrás.
**Hvernig bæti ég útvarpsrás á listann yfir „Favourites“?** Veldu annað hvort „Player“ eða „Stations“ skjáinn og smelltu á stjörnutáknið. Stöðvarnar birtast í þeirri röð sem þú bætir þeim við.
**Get ég breytt röð stöðva í „Favourites“?** Já. Á „Favourites“ skjánum ýtir þú á stöðina sem þú vilt flytja í 2-3 sekúndur. Án þess að lyfta fingrinum getur þú dregið hana á þann stað sem þú vilt í listanum.
**Hvernig fjarlægi ég stöð af „Favourites“ listanum?** Smelltu á stjörnutáknið við stöðina sem þú vilt fjarlægja – sú stöð verður ekki lengur á lista yfir „Favourites“.
**Hvernig skipti ég milli stöðva þegar ég er í spilaranum/media?** Þegar þú ert í „Player“ smellir þú á örvarnar sitt hvoru megin við útvarpsrásina. Þá flakkar þú á milli stöðva sem í boði eru á þínu svæði og við ríkjandi mótttökuskilyrði. Einnig getur þú valið „Stations“ flekann til að flakka milli stöðva eða notað „Favourites“ listann til að velja milli uppáhaldsrásanna þinna.
Athugið: Með hraðspólunartökkunum á stýrinu getur þú flakkað milli uppáhaldsrásanna þinna.
**Hvernig eru FM rásir flokkaðar í spilunarlistum/media library?** Þegar þú velur „Stations“ flekann í spilaranum birtir hann allar FM stöðvar í boði eftir tíðnisviði. Ef þú vilt heldur að listinn birti stöðvar eftir stafrófsröð getur þú breytt stillingum í „Radio Settings“. Ef þú smellir á lyklaborðstáknið efst til hægri á skjánum getur þú slegið inn tiltekna tíðni, t.d. 92.5

**Hvers konar hljóðskrár er mögulegt að spila?** Pivi og Pivi Pro¹ styðja eftirtaldar gerðir hljóðskráa: AAC, MP4, MP3, WAV, OGG, AIF, FLAC MKV.
Eftirtaldar skráarendingar eru studdar: AAC, M4A, M4B, MP3, WAV, PCM, WMA, OGG, AIF, AIFF, AIFC, FLAC, MKA.
Athugið: USB lykla ætti að forsníða sem annað hvort FAT32 eða NTFS. exFAT er ekki stutt.
**Hversu stóra USB lykla er hægt að nota?** USB lyklar allt að 128GB með allt að 10.000 lögum hafa verið prófaðir. Draga kann úr gæðum ef um er að ræða stærri USB lykla eða fleiri lög en það.
Athugið að áður en USB lykill er notaður gæti þurft að endursníða hann sem FAT32 eða NTFS, sé hann ekki þegar á öðru hvoru sniðinu. Vertu viss um að vista öll gögn á USB lyklinum þar sem endursnið eyðir öllum gögnum.
**Get ég notað lausa minnisbanka?** Við mælum ekki með notkun lausra minnisbanka þar sem orkunotkun þeirra getur verið mjög mismunandi.
**Er stuðningur við USB 3.0?** Já.
**Er munur á virkni USB tengjanna í bílnum?** Stjórnborðið frammi í bílnum er með einu hefðbundnu USB tengi og einu USB-C tengi sem bæði tengjast Pivi skjákerfinu. Bæði tengin styðja Apple CarPlay® ² og Android Auto™³. Öll önnur USB tengi í bílnum eru aðeins til hleðslu.
**Er hraðhleðsla studd?** USB-C tengið á stjórnborðinu sem tengist skjákerfinu styður 15W hraðhleðslu.
**Hvert sinn sem ég tengi símann við skjákerfið þá tengist hann með Apple CarPlay ®/Android Auto^TM – ég vil síður tengja símann á þennan hátt, get ég komið í veg fyrir að þetta gerist?** Í tengistillingum er hægt að velja hvernig kerfið bregst við síma sem tengist – breyttu stillingunum í samræmi við símann sem þú notar til að aftengja sjálfkrafa ræsingu Apple CarPlay ® ²/Android Auto^™.

**Hvað felst í InControl aðgangi?** Með InControl aðganginum getur þú tengst samhæfðum þjónustum, Land Rover bílnum þínum og í sumum tilvikum getur þú einnig vistað kjörstillingar á notandaaðgangi bílsins. Þegar fleira fólk sem hefur aðgang að sama bíl skráir sig inn á InControl aðganginn sinn eru stillingar þeirra og þjónustur vistaðar en þínar stillingar eru aðeins sjáanlegar þér og engum öðrum. Að auki getur einn InControl aðgangur bílsins verið notaður til að tengjast bílnum hvaðan sem er með InControl Remote App5. Þannig getur þú fylgst með stöðu bílsins, fengið viðvaranir ef Secure Tracer / Secure Tracker Pro6 er til staðar í bílnum og tekið stjórn á kerfum bílsins hvaðan sem er. Til dæmis að ræsa vélina úr fjarska til að hita upp innanrýmið, læsa eða opna bílinn og flauta og blikka ljósunum svo þú eigir auðveldara með að finna bílinn þar sem honum er lagt. Hægt er að stofna InControl aðgang á My InControl vefnum. Sömu notandaupplýsingar eru notaðar til innskráningar í bílnum. Hlekkurinn fyrir Land Rover er: https://incontrol.landrover.com/jlr-portal-owner-web/select
**Hvernig endurnýja ég InControl áskriftina?** Þegar InControl áskriftin endar færð þú sendan tölvupóst með hlekk til að endurnýja hana. Ef þú hefur ekki fengið þennan tölvupóst eða ef hlekkurinn er útrunninn, hafðu vinsamlegast samband við þjónustufulltrúa.
**Hvernig eyði ég persónuuplýsingunum mínum?** Áður en þú selur bifreiðina þarft þú að eyða upplýsingum úr InControl aðgangi þínum. Skráðu þig inn á My InControl vefsíðunni, veldu „Vehicle Setting“ til hægri og veldu „Remove Vehicle“ listann. Smelltu á „Remove Vehicle“ til að eyða öllum upplýsingum um bifreiðina úr InControl aðganginum þínum. Þú þarft að gefa upp lykilorðið þitt að InControl. Í Pivi/Pivi Pro ferð þú í Settings > All > Profile Settings vil að velja notanda til að eyða.
Þú ættir einnig að eyða öllum Pivi / Pivi Pro aðgöngunum í Profile Settings.
**Eru gagnapakkar innifaldir í Online Pack** Já, þinni Online Pack⁴ áskrift fylgir gagnamagn gegn um innbyggt SIM kort í Land Rovernum þínum sem þú getur notað til að streyma endalaust.
**Verða Live Apps sjálfkrafa virk?** Já, þegar nýtt Live App lítur dagsins ljós uppfærist það sjálfkrafa í Land Rovernum þínum, svo fremi þú hafir gilda Online Pack4 áskrift. Í einhverjum tilvikum þarf InControl aðgangurinn þinn að tengjast samhæfðum aðgangi þriðja aðila. Til að virkja það, smelltu á „Connect Accounts“ hnappinn á app-skjánum og veldu viðkomandi Live App með því að fylgja leiðbeiningum á skjánum. Þegar tenging er komin á verða Live App aðgengileg á annað hvort aðalvalmynd spilarans eða upphafsvalmynd miðla / media home.
**Hvernig tengi ég aðganga í InControl aðganginum mínum?** Fyrst skaltu tryggja að InControl aðgangurinn þinn sé tengdur við þinn notanda. Þegar þú býrð til nýjan notanda ræsir kerfið Start-up Wizard sem leiðir þig í gegnum ferlið að stofna notanda og tengja hann við InControl aðganginn þinn, fljótt og auðveldlega. Veldu „Connect Accounts“ táknið í appvalmyndinni og leitaðu að appinu sem þú vilt tengja. Þú getur annað hvort skannað QR kóðann með símanum eða valið „Email Me“ til að fá sendann hlekk á innskráningarsíðuna. Þegar því er lokið verður send tilkynning í bílinn úr skýinu til að staðfesta að aðgangarnir séu nú tengdir. Þú getur byrjað að nota þjónustuna í bílnum samstundis og tengdar þjónustur birtast sem tákn í appvalmyndinni.
**Hvers vegna spilast efnið mitt stundum ekki?** Styrkur nettengingar ræður oft gæðum streymis. Tryggðu að netsamband sé eins og best verður á kosið.

**Hvernig stilli/breyti ég upphafsskjánum?** Flettu flekunum á upphafsskjánum annað hvort til vinstri eða hægri þar til þú kemur á enda. Þá birtist hnappur sem opnar „Edit“ skjá. Þar getur þú bætt við, eytt eða endurraðað flekum. Til að endurraða flekum gætir þú þurft að eyða fleka og bæta honum svo inn aftur á nýjum stað.
**Get ég breytt uppröðun hluta á upphafsskjánum?** Til viðbótar við að bæta við, eyða eða endurraða flekum eru tvö útlitssnið möguleg. Sjálfgefið útlit notar röð lóðréttra fleka sem veita beinan aðgang að algengustu aðgerðum. Hægt er að velja annað útlit sem líkist app valmyndinni. Þá er upphafsskjárinn svipaður því sem tíðkast á vinsælum snjallsímum.
**Hversu mörgum flekum get ég bætt við upphafsskjáinn?** Hægt er að hafa níu fleka sem dreifast á þrjá skjái. Flettu yfir skjáinn með fingrinum til að draga inn næsta þriggja fleka sett eða notaðu styttri flettingu til að ná í einn fleka í einu.
**Munu fleiri flekar bætast við í hubúnaðaruppfærslum?** Við myndum vilja þróa úrval fleka til að velja úr í fyllingu tímans. Allar ábendingar varðandi upphaflegu flekana eru vel þegnar og einnig óskir um nýja fleka og tengda virkni.
**Get ég sérsniðið flýtihnappana á hliðarvalröndinni?** Flýtihnapparnir gera þér kleift að fara á uppáhalds öppin þín nánast af hvaða skjámynd sem er með einum smelli. Hægt er að skipta út eða endurraða aðalflýtihnöppunum þremur eftir því sem þér hentar. Ýttu á eitt af þremur táknunum þar til skjárinn breytist í „edit screen“. Þegar hann er kominn í breytiham getur þú dregið tákn frá app valmyndinni í hliðarvalröndina og skipt því inn fyrir einn af flýtilyklunum sem fyrir eru. Ef flett er yfir skjáinn frá þeirri hlið sem snýr að ökumanni birtist app valmyndin, hvaðan sem er í skjákerfinu.
**Hvaða virkni/upplýsingar eru á hverjum og einum fleka á upphafsskjánum?** **Navigation:** Enginn áfangastaður valinn: Stilltu áfangastað á heim, leitaðu, skoðaðu nýlega áfangastaði til að velja með einum smelli. Áfangastaður valinn: Hætta við leiðsögn, sýna umferðartafir (þar sem það er í boði) / eldsneytis- og hleðslustöðvar / áfangastaði á leiðinni, kveikja/slökkva á talandi leiðsögn. Sýnir næstu beygju og áætlaðan komutíma (ETA)
**Phone:** Para síma (ef enginn sími er tengdur), skipta milli tengdra síma eða tengjast nýlega pöruðu Bluetooth-tæki í nánd, sjá eftirlætistengiliði (ef tenda tækið býður upp á það) / hringja í talhólf, sjá símtalalista og hringja með einum smelli.
**Media:** Miðlar og efni, spila/pása/slökkva hljóð (fer eftir efni), sleppa, lagalisti upp/næst (fer eftir tæki).
**Eco Data:** Upplýsingar um aksturslag, orkunotkun (t.d. loftkælingu).
**Wade Sensing⁷:** Sýnir vaðdýpt í rauntíma.
**Slope Assist:** Sýnir halla bílsins á bæði lóðréttum og láréttum ásum.
**4x4i:** Sýnir fjöðrunarstöðu og stýrishorn
**Compass:** Sýnir akstursstefnu á áttavita.
**Weather:** Hægt er að velja um að skoða veður á áfangastað eða veður á núverandi staðsetningu næstu 24 stundirnar með klukkutíma millibili.
**EV:** Sýnir áætlaða drægni, stillingar fyrir orkusparnað, orkusöfnun frá skriði og hemlun.
**Air Quality:** Sýnir loftgæði innan og utan bílsins í sjónhendingu.
Athugið, ekki eru allir flekar tiltækir í öllum bílum á öllum markaðssvæðum.

**Hvaða virkni má stjórna með hnöppum á stýrinu?** Að því gefnu að tegund bílsins bjóði upp á það, má stjórna eftirtöldu með hnöppum á stýri:
• Styrkstilli hljóðefnis, síma, samskiptum við stæðisaðstoðarkerfi, leiðsagnarkerfi og raddstýringu. • Hægt er að velja virkni flýtihnappsins - til dæmis efni, hljóð af/pása, Vinstri/hægri hnappa má nota til að skipta milli laga og uppáhalds útvarpsrása. Athugið: með því að ýta lengi á vinstri/hægri hnapp fer leit að útvarpsrás/lagi af stað.
Með því að nota nýja gagnvirka ökumannsskjáinn er einnig mögulegt að velja miðil, uppáhalds útvarpsrás eða velja af lista yfir nýleg símtöl. Til að gera það er ýtt á Menu/OK hnapp á stýrinu og síðan flett að viðkomandi valkosti.
**Af hverju fæ ég mismunandi valmöguleika í stillingum þegar ég vel settings-hnappinn?** Við vildum einfalda aðgerðirnar í almennum aðgerðum og auðvelda þannig notendum aðgang að uppáhalds stillingum þeirra, eins og „display“ og „audio“. Þar af leiðandi er stillimynd neðst á snertiskjánum í öllum helstu stillingum. Með því að ýta á myndina ferð þú inn í „Quick Settings“ þar sem þú kemst inn í takmarkaðar stillingar. Neðst á síðunni eru flekar sem sýna hvaða stillingu verið er að nota hverju sinni ásamt „audio“ og hlekk á allar aðrar stillingar.
**Hvers vegna er ekki valmöguleiki um að fara til baka á öllum skjámyndum?** Pivi og Pivi Pro¹ voru hönnuð í kringum flata valmynd. Ein af ástæðum þess var að koma í veg fyrir að þurfa að fara til baka svo að flæð á milli skjámynda yrði betra. Það er sérstaklega mikilvægt í hröðu umhverfi.
**Sætisnuddið fer sjálfkrafa af stað, hvernig get ég stoppað það?** Þú hefur sennilega óvart valið þann möguleika. Þú getur breytt stillingunni með því að fara inn í „seats settings“ á snertiskjánum.
**Er hægt að hækka og lækka í „Navigation“ og „Park Distance“ stillingunum?** Já, það er hægt að hækka og lækka í öllum hljóðstillingum í Pivo Pro¹ á meðan hjóðið er á getur þú breytt stillingunni með því að hækka og lækka.
ATH: Af öryggisástæðum leyfa sumar stillingar aðeins lágmarkslækkun.

**Hvaða stillingum get ég stýrt með raddstýringunni?** Með raddstýringu Land Rover getur þú nálgast media, navigation, síma og climate stillingarnar. Til að virkja raddstýringu ýtir þú á „voice control“ hnappinn á stýrinu.
**Get ég notað orð til að kveikja á kerfinu?** Það er ekki í boði eins og er en við gerum ráð fyrir þeim möguleika í framtíðinni.
**Hvers vegna þekkir raddstýringin ekki allar útvarpsstöðvar?** Þetta getur gerst þegar útvarpsstöðvar bera svipað heiti. Þá mun kerfið birta lista af mögulegum útvarpsstöðvum sem þú getur valið úr. Þú einfaldlega ýtir á þá stöð sem þú vilt velja eða segir númer hvað hún er í röðinni.
Þú getur líka sagt fullt nafn stöðvarinnar t.d. „tune to Bylgjan 989“ ¹í stað þess að segja „tune to radio“ ¹.
**Get ég stýrt „Online media“ með raddstýringunni?** Þú getur kveikt á „Online Media“ spilaranum með raddstýringunni með því að nota „Voice“ hnappinn á stýrinu og notað þá skipun eins og “Launch Online Media“ eða „Launch Player“. En þú getur eingöngu stýrt spilaranum í gegnum snertiskjáinn.
**Get ég skipt um tungumál á raddstýringarkerfinu?** Raddstýringin er tengd því tungumáli sem kerfið er stillt á. Þú getur valið hvaða tungumál þú vilt nota inni í „settings“.
**Stillingin fyrir raddstýringu sýnir val um „confirmation“ og „feedback“, hvað er það?** Með stillingunni „voice command confirmation“ mun raddstýringin samþykkja beiðni með þinni rödd með því að endurtaka það sem þú segir. Þegar þú segir „hringja heim“ mun hún staðfesta það með því að segja „hringi heim“. Stillingin „voice feedback“ spyr kerfið þig hvað þú ætlar að segja næst. Með því að slökkva á þessum stillingum flýtir þú fyrir ferlinu.
Þú getur haldið áfram að tala við kerfið á meðan það er að tala.
**Heyrist ekki í stefnuljósunum á meðan raddstýringi er á?** Með því að lækka í umhverfishljóðum virkar raddstýringin betur.

**Hver er munurinn á Pivi og Pivi Pro?** Eftirtaldar stilliingar/möguleikar er eingöngu í Pivi Pro¹:
Navigation/Connected Navigation¹ (breytilegt eftir markaði) Stillingar studdar af AI (gervigreind) Úrval þjónustu og afþreyingarefnis – innifalið í völdum netpökkum (í ákveðnum bíltegundum).⁴ Hraðari þjónusta (meðal annars hraðari tenging við skýjaþjónustu) Öflugari gjörvi, svo Pivi Pro¹ er enn móttækilegra Pivi Pro¹ inniheldur eigin fasímamótald til að tengja hina ýmsu þjónustu, þar á meðan afþreyingu á netinu. Styður „Interactive Driver Display“ Styður „Online Pack and Wi-Fi Hotspot“⁸ (breytilegt eftir markaði)
**Af hverju fæ ég viðvaranir um ökutæki á hreyfingu þegar bílnum er lagt við hliðina á fjölförnum vegi og hvers vegna missi ég samband við þjónustur?** Þetta stafar af öryggisástæðum og umferðarreglum.
Ef bifreið er í gangi er hún ekki alltaf álitin algjörlega kyrrstæð, óháð því í hvaða gír hún er – hreyfiskynjararnir munu halda áfram að fylgjast með bifreiðinni og greina stundum hreyfingu.
Samkvæmt lögum verða ákveðnir eiginleikar að hætta að virka þegar hjólin fara að snúast og í sumum tilfellum getur minnsta hreyfing orðið til þess að þeir slökkvi á sér. Í þeim tilvikum skal beita handbremsu eða fótbremsu.
**Eftir að hafa bakkað og keyrt svo áfram birtist fjarlægðarstýring á snertiskjánum – hvernig get ég falið hana?** Til að minnka gluggan getur þú ýtt á krossinn í horni hans.
Þegar hraði bifreiðarinnar er kominn yfir 16 km á klst verður fjarlægðarmælingin sjálfkrafa óvirk.
**Hvers vegna virkjast baksýnismyndavélin alltaf þegar ég set í bakkgír – af hverju hef ég ekki 360 gráðu útsýni ef það var það sem ég valdi síðast?** Þetta gerist af öryggisástæðum. Sjónarhorn baksýnis myndavélarinnar er mun breiðara ef hún er ein í notkun og næamari fyrir umferð utan sjónlínu.
**Hvað er driving score/ökustig?** Ökustigið mælir eldsneytis-/orkunotkun og finnur út besta mögulega kost fyrir hvern hluta ferðarinnar. Að draga úr hemlun, notkun á inngjöf eða draga úr hraða getur allt gegnt mikilvægu hlutverki í að draga úr eldsneytis-/orkunotkun.
**Hvers vegna er ég með hátt ökustig en lélega eldsneytisnotkun?** Í sumum tilfellum er hægt að ná háu ökustigi þrátt fyrir mikla eldsneytis-/orkunotkun – til dæmis þegar ekið er í mikilli umferð. Ef ökustigið var 100% hefur þú náð hagkvæmustu eldsneytisnotkuninni fyrir ferðina en ef það er 50% hefðir þú getað sparað með því að tileinka þér annað aksturslag.

**Hvernig uppfæri ég kortin í leiðarkerfinu?** Kortin uppfærast sjáfkrafa (breytilegt eftir markaði). Hægt er að hlaða kortunum niður án endurgjalds með því að opna þennan hlekk:
**Land Rover:** Japan: www.landrover.co.jp/pivimap China: www.landrover.com.cn/pivimap South Korea: www.landrover.co.kr/pivimap RoW: www.landrover.com/pivimap
**Hvernig vel ég mismunandi kortasýn á sýndartækjaskjánum?** Til að breyta útliti ökumannskjásins notar þú hnapp á stýrinu til að opna settings/stillingar. Fyrir frekari stillingar opnar þú Pivi Pro Settings > Navigation > Driver Display.
**Af hverju hættir leiðarkerfið að virka þegar ég þysja til að stækka skjáinn?** Þegar þú ert í samskiptum við kortið skiptir það yfir í „skoða“ ham sem gerir þér kleift að leita að stöðum og skoða leiðir og umferð á ákveðnu svæði. Kortið fer sjálfkrafa aftur í leiðsagnarham eftir 60 sekúndur eða þegar þú ýtir á „re-center“ hnappinn neðst á snertiskjánum.
**Hvers vegna eru hraðatakmarkanir sem leiðsögukerfið sýnir ekki alltaf þær sömu og umferðarskilti sýna?**
Ef birfreiðin þín er búin umferðarmerkjagreiningu birtir hún samsetningu upplýsinga í gagnagrunni og sýnilegra umferðarskilta. Í sumum tilfellum ná myndavélar bifreiðarinnar ekki að lesa umferðarskilti, það gæti t.d. stafað af því að skiltin eru staðsett nálægt gatnamótum eða á hliðarvegi.
Ef bifreiðin er ekki búin umferðarmerkjagreiningu eru hraðatakmarkanir byggðar á upplýsingum sem voru tiltækar þegar kortagagnagrunnur var tekinn saman. ATH: Hraðatakmarkanir og staðsetningar öryggismyndavéla eru uppfærðar í hvert sinn sem kortin eru uppfærð. Þrátt fyrir að reynt sé að veita nákvæmar upplýsingar er það alltaf á ábyrgð ömukanns að fara eftir umferðarreglum.

**Hversu marga leiðarpunkta get ég búið til á leiðinni?** Þú getur búið til eins marga leiðarpunkta og þú vilt, þar á meðal áfangastaði. Þeir munu birtast í þeirri röð sem þú setur þá. Þú getur endurraðað punktunum með því að ýta á ör sem er hjá ETA í leiðarvísinum.
**Hvers vegna sýnir skjarinn áætlaðan komutíma (ETA) fyrir áfangastaði sem ég hef ekki valið?** Leiðarkerfið þekkir venjulegar ferðir þínar og sýnir svo bestu leiðina að mögulegum áfangastað ásamt áætluðum komutíma. Ef þú keyrir stundum aðra leið að sama áfangastað mun kerfið læra þá leið og segja þér hvor leiðin er fljótlegri miðað við núverandi aðstæður. Þegar þú keyrir af stað mun kerfið sýna leiðina með línu á kortinu og gera ráð fyrir að þú þekkir leiðina og því ekki segja þér hvenær þú átt að beygja. Ef þú beygir af leið vegna umferðarskilyrða mun kerfið spyrja þig hvort þú viljir skipta yfir í raddleiðsögn. Þetta getur verið gagnlegt ef þú ert á ókunnum stað. Ef kerfið finnur fljótlegri leið mun kerfið benda þér á hana. Þegar þú ferð aftur inn á kunnuglega vegi dregur kerfið sjálfkrafa úr raddleiðsögn.
**Hversu margar ferðir þarf að taka áður en kerfið lærir leiðina?** Það tekur yfirleitt tvær ferðir frá sama upphafsstað að sama áfangastað fyrir kerfið að læra leiðina. Tímaramminn þarf einnig að vera um 1 klst.
**Hvernig skrái ég áfangastað?** Þú getur skráð áfangastað í Pivi Pro1 á heimaskjánum:
1. Til að skrá heimilið þitt sem áfangastað ýtir þú á heimatáknið á skjánum. Kerfið mun reikna leiðina út samkvæmt þínum óskum sem þþú getur svo breytt í leiðsögustillingum/navigations settings.
ATH: Ef þú hefur ekki skráð heimilið sem áfangastað mun kerfið leiðbeina þér. Til öryggis gæti verið æskilegt að skrá staðsetningu nálægt heimilinu þínu, þannig mun það ekki sýna raunverulegt heimili þitt ef bifreiðin er í óleyfilegri notkun.
2. Til að opna leitarsíðu ýtir þú á leitartáknið á leiðarvísis flekanum. Ýttu á POI (áhugaverðir staðir) flokkatákn t.d. mat og drykk eða veldu ákveðinn stað, heimilisfang eða póstnúmer á leitarstikunni. Hægt er að skrá heimilisföng sem eina línu. Með því að velja niðurstöður vistar kerfið þær og sýnir þér samsvarandi niðurstöðulista.
Hér er dæmi um það hvernig þetta virkar. Skrifaðu „sub“ í leitarstikuna og ýttu á „niðurstöður/results“. Kerfið mun sýna þér staði sem byrja á „sub“. Veldu „subway“ og kerfið mun sýna þér alla Subway staði nálægt þér. Ýttu á „Go“ til að hefja leiðsögn eða ýttu á þann stað sem þú vilt fara á til að sjá nánari upplýsingar.
Þú getur líka ýtt tvisvar á leiðsögutáknið neðst á snertiskjánum til að fá flýtileið að möguleikanum „áfangastaður“. Eftir það getur þú valið einn af þremur valmöguleikum, „heimilisfang/address entry“, „leit/search“ eða „áfangastaðir/destinations“. Áfangastaðir geta t.d. verið nýlegir staðir, heimilið eða uppáhalds staðir.
1. Þegar leið er tiltæk mun hún birtast á heimaskjánum. Ef fleiri en ein leið er í boði mun kerfið sýna þér þær.
2. Veldu áfangastað af skjánum og ýttu á valmyndarhnappinn neðst á kortinu. Valmöguleikarnir „heimilisfang“, „leit“ og „áfangastaðir“ munu þá birtast.
3. Þú getur sent kerfinu áfangastaði í gegnum Route Planner snjallsímaappið eða vefsíðuna. Staður sem er vistaður í leiðarskipulaginu mun birtast í áfangastöðunum þínum þegar bifreiðin hefur tengst internetinu. Ef kerfið er opið í bifreiðinni þegar áfangastaður er móttekinn mun hann opnast í sérstökum glugga, með því að ýta á „nota núna“ staðfestir þú áfangastaðinn í kerfinu og hann mun birtast með nýlegum áfangastöðum.
**Af hverju sé ég ekki áfangastaðinn sem ég sendi?** Kerfið tekur aðeins á móti áfangastöðum þegar bifreiðin er með viðeigandi gagnatengingu. Farsímakerfið gæti einnig hafa misst tengingu eða verið á svæði þar sem tenging er ekki góð.
**Hvernig get ég skoðað aðrar leiðir?** Eftir að þú velur áfangastað birtist gluggi með valmöguleikum, með því að ýta á „leiðir“ getur þú skoðað keiðir sem eru í boði. Veldu þá leið sem þú vilt nota og ýttu á „byrja“ til að hefja leiðsögn.
**Hvernig nota ég áfangastaðaleitina?** Sláðu inn stað, póstnúmer eða heimilisfang. Kerfið mun horfa framhjá innsláttarvillum. Ýttu á niðurstöðurnar eða feldu lyklaborðshnappinn til að skoða niðurstöður.
Ef bifreiðin er með gagnatengingu mun leitin fá aðgang að nýjustu upplýsingum í skýinu og gagnagrunn.
**Hver er fljótlegasta leiðin til að leita að áfangastað?** Þegar þú hefur slegið inn nógu marga stafi ætti kerfið að sýna þér fimm til átta niðurstöður, þá getur þú falið lyklaborðstáknið og fjölda niðurstaða. Eftir það birtist heildarlisti yfir mögulega áfangastaði. Ef ýtt er á eitthvað af listanum mun kerfið leita að niðurstöðum út frá því sem slegið var inn.
**Af hverju er ekki hægt að slá húsnúmer inn í póstnúmeraleitina?** Póstnúmeraleitin notar miðlægan stað innan hvers pósnúmers. Hins vegar er hægt að leita með götunafni og húsnúmeri.
**Hvers vegna birtist eldsneytis viðvörunartáknið stundum þegar ég stilli áfangastað?** Til að láta þig vita að þú þurfir að bæta á eldsneytið til að klára ferðina.
Til að bæta eldsneytisstoppi inn í ferðina ýtir þú á eldsneytis-/orkuviðvörunina. Kerfið mun þá birta bensín-/hleðslustöðvar á leiðinni og gefa þér upp nákvæmari áætlaðan komutíma.
**Hvað er „arrival view“?** Þegar þú ert u.þ.b. fimm mínútum frá ákvörðunarstað birtist gluggi sem býður þér að leita að bílastæði. Ýttu á „show parking“ og þú færð lista yfir bílastæði nálægt staðsetningunni. Þú færð einnig upplýsingar um fjarlægðina milli bílastæðisins og ákvörðunarstaðarins. Þegar þú ýtir á „Go“ birtist bílastæðið sem leiðarpunktur.
**Hvað er Smart Voice Guidance?** Ef þú virkjar Smart Voice Guidance í „navigation settings“ í leiðsögukerfinu, færðu upplýsingar um umferðartafir á áætlaðri leið og mælt er með annarri leið ef mögulegt er. Ef þú þekkir ekki nýju leiðina virkjar kerfið hljóðaðstoð sjálfkrafa auk sjónrænna leiðbeininga um hvert skal beygja næst. Þegar þú ert aftur á kunnuglegum slóðum slekkur kerfið sjálfkrafa á hljóðaðstoðinni.
**Hvað eru „commutes“?** Kerfið lærir inn á hvaða leiðir þú ekur venjulega milli staða, t.d. frá vinnu og heim og öfugt. Kerfið lærir einnig inn á aðrar leiðir sem þú ekur oft á svipuðum tíma.
Á heimaskjánum (og einnig í leiðsögukerfinu) birtast þrjár staðsetningar sem kerfið þekkir frá fyrri ferðum. Staðsetningarnar birtast ásamt lýsingu á mismunandi leiðum að tilteknum áfangastað. Áætlaður komutími (ETA = estimated time of arrival) birtist einnig sem hjálpar þér að meta hvaða leið hentar best miðað við venjulegan ferðatíma.
**Hvernig virkar stillingin „auto start commute“?** Ef þú hefur ekki valið ákveðna leið eða virkjað samgönguaðstoð (commute guidance) getur leiðsögukerfið ekki látið þig vita af hugsanlegum töfum. Ef þú virkjar þessa þjónustu í leiðsögukerfinu (undir „navigation settings“) getur kerfið séð tafir fyrir með miklu öryggi (byggir á uppsöfnuðum upplýsingum um leiðirnar sem þú ekur venjulega). Samgönguaðstoð fer sjálfkrafa í gang ef þú fylgir leiðinni sem búið var að reikna út.
Ef þú virkjar „commute guidance“ færð þú hugsanlega upplýsingar um slys á leiðinni (fer eftir staðsetningu og aðstæðum) og getur valið aðra leið.
**Hvað gerist á Interactive Driver Display skjánum þegar ég vel „mirror info panel“ í „navigation settings“? ** Í aðalvalmynd snertiskjásins (Touchscreen) fyrir leiðsögukerfið (navigation) getur þú smellt á örina við hliðina á upplýsingum um næstu beygju. Þá birtist stika með mismunandi upplýsingum við hliðina á aðalkortinu. Með því að fletta til vinstri og hægri færð þú mismunandi sjónarhorn. Þú finnur m.a. lista yfir beygjur, áttavita, umferðarupplýsingar, kort yfir leiðina sem eftir er og yfirlitskort. Með því að virkja „mirror info panel“ undir „navigation settings“ verður upplýsingastikan einnig sýnileg við hlið kortsins þegar „full screen map view“ er valið á Interactive Driver Display skjánum. Þetta tryggir að allar helstu leiðsöguupplýsingar séu auðsjáanlegar og að aðrar upplýsingar geti birst á snertiskjánum.

**Ég hef valið gervihnattakort en kortið birtist aðeins á öðrum skjánum.** Stillingar leiðsögukerfisins (navigation settings) gera þér kleift að velja gervihnattakort annað hvort fyrir Interactive Driver Display skjáinn eða snertiskjáinn (Touchscreen) svo þú getir haft mismunandi kort opin eftir því sem þér hentar.
**Þegar ég leita að staðsetningu fæ ég upplýsingar um vegalengd en eftir að ég staðfesti staðsetningu lengist vegalengdin yfirleitt.** Til að útvega niðurstöður hratt er vegalengdin gefin upp í beinni loftlínu til að byrja með. Nákvæmari niðurstaða er reiknuð út þegar leiðin hefur verið skipulögð.
**Hvernig get ég leitað að áhugaverðum stöðum (POI) á leiðinni?** Veldu POI flokkinn eða skrifaðu inn í leitargluggann, t.d. ítalskir veitingastaðir. Færðu kortið til og ítalskir veitingastaðir birtast innan nokkurra sekúndna.
**Hvernig uppfæri ég gagnagrunn öryggismyndavélar?** Gagnagrunnur myndavélar uppfærist um leið og gagnagrunnurinn fyrir kortið er uppfærður.
Við notum öryggismyndavélar til að láta vita af blindsvæðum. Tilgangurinn er að auka öryggi viðskiptavina okkar, farþega þeirra og annarra vegfarenda.
Við gerum allt sem í okkar valdi stendur til að veita réttar upplýsingar en bílstjórinn ber ábyrgð á því að fara eftir umferðarreglum.

**Þegar stillt er á „guidance“, set ég valið hvaða tilkynningar birtast í leiðsögukerfinu?** Já, þú getur valið hvaða tilkynningar birtast með því að fara inn í stillingar (settings) í leiðsögukerfinu (navigation).
**Get ég virkjað tilkynningar um umferð frá svæðisbundnum útvarpsstöðvum?** Já, farðu í Settings > All > Apps > Media > AM FM Settings > Traffic Announcements > On

**Hvað er Wi-Fi Enabled with Data Plan?** Wi-Fi Enabled with Data Plan kemur á 4G/LTE (fer eftir tegundinni) Wi-Fi Hotspot (heitum reit) í bílnum þínum og gerir farþegum kleift að tengjast mörgum þjónustum á internetinu í gegnum 4G/LTE tengingunni. Notast er við loftnet á þaki til að auka líkur á stöðugu netsambandi þegar þú ert á ferðinni. Styrkur tengingar er meiri (miðað við snjallsíma í bifreiðinni) þar sem málmgrind ökutækisins getur hindrað móttöku gagna.
**Sér Wi-Fi Enabled with Data Plan mér fyrir stöðugu þráðlausu netsambandi á meðan ég er á ferðinni?** Wi-Fi Hotspot⁸ notast við farsímanet. Þá færðu betri tengingu en með snjallsíma í ökutækinu en það virkar ekki þar sem þú nærð ekki sambandi við farsímanet.
**Hvers konar netkerfi þarfnast Wi-Fi Enabled?** Wi-Fi Enabled notast við 4G/LTE netkerfi.
**Hvernig nota ég Wi-Fi Enabled with Data Plan?** Undir Settings > Connectivity valmyndinni getur þú valið „Hotspot“ til að snjallsíminn og spjaldtölvurnar þínar tengjast neti ökutækisins.
**Hvað er „Wi-Fi“ undir „connectivity“ og „settings“ í valmyndinni?** Wi-Fi gerir þér kleift að tengjast Wi-Fi neti, t.d. heimanetinu þínu.
**Hverjir eru kostir nettengingar ökutækisins umfram tengingu snjallsímans?** Styrkur farsímasambands og gagnasendinga getur veikst vegna hönnunar bifreiðarinnar – málmar veikja gagnasendingar útvarpsbylgna.
Innbyggða SIM kortið tengir farsímanetið við stærra netsvæði. Þetta tryggir sterkari tengingu.
**4G merkið undir klukkunni er sýnilegt en hvers vegna get ég ekki notað alla valmöguleika?** Stundum eru kerfin ofhlaðin eða merkið of veikt til að tryggja nógu góða tengingu. Gögn geta tapast tímabundið.

**Þarf ég SIM kort til að tengja ökutækið við internetið?** Nei, það er innbyggt SIM kort í ökutækinu. Með því getur þú notað:
1. Connected Navigation kerfið¹ tengdar stillingar/þjónustur kerfisins 2. Þráðlaust Wi-Fi Enabled with Data Plan⁸ 3. Netpakka⁴ stillingar/þjónustur Þessi þjónusta þarfnast virkrar áskriftar. Fjarsímagögn eru innifalin í áskriftinni svo þú þarft hvorki aðra áskrift né SIM kort á meðan þessi áskrift er virk.

**Hvers vegna þekkir ökutækið ekki Bluetooth tenginguna við símann minn og tengir hann sjálfkrafa?** Sennilega vegna þess að ekki er kveikt á sjálfvirkum tengimöguleika fyrir þetta tæki í stillingum eða vegna þess að önnur tæki í nágrenni ökutækisins tengdust því fyrst.
**Hvað er hægt að tengja mörg tæki með Bluetooth?** Hægt er að tengja allt að 10 tæki með Bluetooth tengingu og tvö tæki geta verið tengd samtímis, símar eða margmiðlunartæki. Fyrsta tækið sem þú tengir við Pivi/Pivi Pro1 verður skilgreint sem aðaltækið þitt. Hægt er að breyta því í Settings > All > Connectivity > Bluetooth > og með því að smella á nafn tækisins sem þú vilt nota sem aðaltæki.
**Tveir símar eru tengdir; hvernig get ég skipt á milli þeirra þegar ég vil hringja?** Veldu símareitinn á heimaskjánum og ýttu á símatáknið á neðri hluta snertiskjásins. Þar getur þú valið símann sem þú vilt hringja úr. Þá er aðeins hægt að nota hinn símann sem er tengdur til að taka á móti símtölum. Þegar þú ert inni í símaskjánum sérð þú einnig tákn efst á snertiskjánum sem hægt er að nota til að velja milli síma sem þú vilt nota til að hringja úr.
**Hvernig tengi ég tæki aftur sem hafa áður verið tengd með Bluetooth?** Aðferðin til að tengja síma og tónlistarspilara er mjög svipuð.
Til að tengja símann aftur, veldu síma með símareitnum á heimaskjánum efst á snertiskjánum í valmyndinni fyrir síma.
Til að spila tónlist, fylgdu sömu skrefum en í gegnum margmiðlunartáknið á heimaskjánum eða með því að velja tæki á margmiðlunarskjánum.
**Þegar ég hlusta á tónlist úr símanum/spilaranum mínum í gegnum Bluetooth-tengingu virkar hljóðið mjög lágt miðað við hljóðstyrkinn í bílnum.** Hljóðstyrkur tækisins getur haft áhrif á hljóðstyrkinn í hátölurum ökutækisins. Hækkaðu hljóðið í tækinu þínu.

**Geta allir sem hafa aðgang að ökutækinu skoðað lista yfir tengiliði eða myndir sem ég hef halað niður?** Nei, tengiliðirnir úr símanum þínum sjást aðeins þegar síminn þinn tengist ökutækinu.
**Hvernig leita ég að tengiliðum úr lista í símanum mínum?** Undir símareitnum á heimaskjánum er annað hvort hægt að velja lista yfir þau sem þú hringir oftast í (aðeins símtæki sem kerfið styður við) eða lista yfir nýleg símtöl.
Á aðalsímaskjánum velur þú „Contacts“. Veldu leitarmerkið efst á skjánum til að opna lyklaborðið og leita að nafni þess sem þú vilt hringja í. Á meðan þú slærð inn nafnið uppfærist listinn sjálfkrafa. Ýttu á „x matches“ eða feldu lyklaborðið til að skoða valmöguleika.
Einnig er hægt að velja upphafsstaf þess sem þú vilt hringja í á lyklaborði. Ef þú t.d. velur F ferðu beint í listann yfir nöfn þeirra sem byrja á F.
Auk þess getur þú notað raddgreiningarhnappinn á stýrinu til að nota raddstýringu til að hringja í tengilið eða símanúmer. Til dæmis: „Hringdu í David Smith“ „Hringdu í farsíma David Smith“ „Hringdu í 01234987654“

**Hvað eru hugbúnaðaruppfærslur?** Hugbúnaðaruppfærslur⁹ gera þér kleift að uppfæra meginhugbúnað ökutækisins í gegnum þráðlausa nettengingu. Hægt er að framkvæma uppfærslur þegar þér hentar án þess að þú þurfir að fara til söluaðila eða samþykktrar þjónustumiðstöðvar.
**Hvaða tilgangi þjóna hugbúnaðaruppfærslurnar?** Hugbúnaðaruppfærslur⁹ bæta vinnslu meginhugbúnaðar og tryggja að ökutækið virki sem best. Hægt er að uppfæra mörg kerfi í einu.
**Hvaða hugbúnað er hægt að uppfæra í ökutækinu?** Hægt er að uppfæra skjákerfi ökutækisins, fjarvirkni og ýmis stjórnkerfi annars staðar frá svo þú fáir sem mest út úr akstursupplifuninni.
**Þarf ég InControl reikning fyrir hugbúnaðaruppfærslur?** Nei, þú þarft ekki InControl reikning til að framkvæma hugbúnaðaruppfærslur.
**Hvernig kveiki ég á hugbúnaðaruppfærslum?** Hugbúnaðaruppfærslur⁹ eru settar upp sjálfvirkt í ökutækinu þínu. Niðurhal og uppsetning nýs hugbúnaðar fer annað hvort fram í gegnum þráðlausa nettengingu eða innbygða símatengingu. Niðurhalið fer sjálfkrafa fram án þess að trufla notkun ökutækisins.
**Hvernig geri ég ökutækið móttækilegt fyrir hugbúnaðaruppfærslum?** Pivi / Pivi Pro¹ kerfinu er hægt að tengjast annað hvort í gegnum þráðlaust net eða innbyggða símatengingu ökutækisins.
**Þarf að borga fyrir niðurhal gagna sem tengjast hugbúnaðaruppfærslunni?** Nei. Hugbúnaðaruppfærslurnar fara annað hvort í gegnum þráðlausa nettengingu eða innbyggða símatengingu ökutækisins og kosta þig ekkert aukalega.
**Hversu oft þarf að uppfæra hugbúnað?** Hugbúnaðaruppfærslur verða sendar reglulega til að kerfin virki sem best. Þú færð uppfærslu senda þegar þess er þörf eða ef upp kemur vandamál með núverandi hugbúnað. Nýir valkostir bætast einnig við og uppfæra þarf hugbúnað til að nýta þá.
**Hvernig veit ég hvort uppfærslan sé tiltæk?** Þegar uppfærslan er tilbúin til uppsetningar færðu tilkynningu á snertiskjáinn. Tiltæk uppfærsla birtist einnig í „Software update“ valmyndinni í Pivi / Pivi Pro1 stillingunum.
**Þarf að hefja uppfærslu strax?** Nei, þú færð tilkynningu á snertiskjáinn þegar uppfærsla er tilbúin til uppsetningar. Þá getur þú valið annað hvort „Update now“ eða „Schedule“ til að velja hentugan tíma fyrir uppfærslu.
**Með hversu löngum fyrirvara þarf að tímastilla uppfærslu?** Mögulegt að tímastilla uppfærslu allt að 14 daga fram í tímann.
**Hvað þarf ég að gera til að uppfærsla getur farið fram?** 1. Áður en hugbúnaðaruppfærsla getur hafist, gakktu úr skugga um að: Nýjum hugbúnaði hefur verið halað niður með þráðlausu neti eða innbyggðri símatengingu ökutækisins. 2. Samþykkja þarf skilmála hugbúnaðaruppfærslu (þegar það á við). 3. Ökutækið þarf að vera læst og þjófavörnin á (þegar beiðni um slíkt berst) svo uppfærslan geti hafist. Tilkynning um hversu langan tíma uppsetningin tekur birtist á skjánum. Allir gluggar þurfa að vera lokaðir.
**Hvernig uppfæri ég hugbúnaðinn?** 1. Í hvert skipti sem þú ræsir vélina athugar ökutækið hvort viðeigandi uppfærslur séu í boði og halar þeim niður. 2. Tilkynning birtist á snertiskjánum þegar ný uppfærsla er tiltæk. 3. Þú gætir fengið beiðni um að samþykkja skilmála hugbúnaðaruppfærslu. 4. Einnig er mögulegt að tímastilla uppfærslu allt að 14 daga fram í tímann. 5. Þú færð beiðni um að slökkva á ökutækinu, læsa því, virkja þjófarvörn og loka gluggum áður en uppsetning getur hafist. Tilkynning um hversu langan tíma uppsetningin tekur birtist á skjánum. 6. Þegar uppfærslunni er lokið færðu tilkynningu á snertiskjáinn. Síðustu upplýsingar um uppfærsluna birtast einnig í valmynd fyrir hugbúnaðaruppfærsluna. 7. Tilkynning birtist á skjánum ef uppfærslan hefur mistekist af einhverjum ástæðum. Þá þarf að gera aðra tilraun.
**Hversu langan tíma tekur að uppfæra hugbúnaðinn?** Í glugga á skjánum sérðu hversu langan tíma tekur að uppfæra hugbúnaðinn. Ekki er hægt að nota ökutækið á meðan uppfærslan er í gangi. Uppsetningin hefst u.þ.b. 10 mínútum eftir að ökutækinu hefur verið læst, eftir að „Update now“ hefur verið valið.
**Hvernig veit ég hvenær uppsetningu hugbúnaðar er lokið?** Þú færð tilkynningu á snertiskjáinn þegar hugbúnaðurinn hefur verið settur upp.
**Þarf ég samband til að uppsetningin geti átt sér stað?** Já, þú þarft síma- eða netsamband til að uppfærsla hugbúnaðar geti hafist.
**Get ég stöðvað uppsetninguna eftir að hún hefur verið ræst?** Nei, þegar uppsetningin er hafin er ekki hægt að stöðva hana.
**Er hægt að láta kerfin uppfæra sig sjálf?** Í flestum tilvikum þarft þú að samþykkja hugbúnaðaruppfærslur. Stöku sinnum uppfærir ökutækið sig sjálft til að gæta öryggis og vegna viðhalds kerfa.
**Þarf ég að virkja sjálfvirkar uppfærslur?** Í tilfelli sjálfvirkra uppfærslna þarft þú ekki að gera neitt. Þú færð ekki tilkynningu á snertiskjáinn og getur ekið eins og venjulega.

**Hvað á að gera ef uppsetning mistekst?** Ef uppsetningin mistekst af einhverjum ástæðum færðu skilaboð um að reyna aftur. Þú getur skoðað uppfærsluna með því að velja „Software Update“ valmöguleikann í Pivi / Pivi Pro.¹ Stillingar. Ef þú lendir í vandræðum með ökutækið þegar þú endurræsir kerfið eftir uppfærslu, vinsamlegast hafðu samband við vegaaðstoð eða sölufulltrúann þinn og málið verður kannað nánar.
**Get ég uppfært hugbúnaðinn þegar ég er erlendis?** Já, það er mögulegt að uppfæra ökutækið þegar það er erlendis með þráðlausri nettengingu eða með innbyggðri gagnatengingu.
**Hvers vegna hef ég ekki fengið tilkynningu um hugbúnaðaruppfærslu?** Ökutækið þarfnast síma- eða netsambands til að taka við hugbúnaðaruppfærslum. Ef tilkynning birtist ekki á snertiskjánum getur þú athugað hvort uppfærsla sé tiltæk með því að fara í „Software Update“ valmöguleikann í Pivi / Pivi Pro.¹ Stillingar. Ef þær eru fyrir hendi getur þú sett þær upp beint úr þessari valmynd eða notað tímastilli til að gera það seinna.