HUGBÚNAÐARUPPFÆRSLUR

UPPFÆRÐU BÍLINN ÞINN – ÞRÁÐLAUST

Þú getur uppfært Land Rover-bílinn þinn í gegnum upplýsinga- og afþreyingarkerfið. Með því að uppfæra bílinn færðu alla nýjustu eiginleikana og tryggir þínum Land Rover besta stöðugleika sem völ er á.
Þegar um eldri ökutæki er að ræða kann að vera að þú þurfir fyrst að virkja eiginleikann „hugbúnaðaruppfærsla“. Í nýjum ökutækjum þarf aðeins að velja tímasetningu uppsetningarinnar eftir að tilkynningin berst.

HORFÐU Á MYNDSKEIÐIÐ

SVONA VIRKJARÐU ÞRÁÐLAUSAR HUGBÚNAÐARUPPFÆRSLUR

SKREF 1 – TENGING

Ýttu á táknið „Settings“ (stillingar) á snertiskjánum og sláðu inn „All Settings“ (allar stillingar). Haltu áfram á valmyndina „Connectivity“ (tengimöguleikar) og kveiktu á farsímagögnunum EÐA kveiktu á Wi-Fi-tengingunni í bílnum.

SKREF 2 – GANGSETNING

Farðu aftur í „All Settings“ (allar stillingar) og veldu „Software update“ (hugbúnaðaruppfærsla). Í þessari valmynd býðst þér að kveikja á hugbúnaðaruppfærslum. Ef slökkt er á þeim skaltu einfaldlega ýta á hnappinn til að kveikja á hugbúnaðaruppfærslum.

SKREF 3 – SAMÞYKKI

Skjáglugginn „Terms & Conditions“ (skilmálar) mun birtast. Ýttu á „Agree“ (samþykkja) til að kveikja á hugbúnaðaruppfærslum.

SVONA SETURÐU UPP ÞRÁÐLAUSU HUGBÚNAÐARUPPFÆRSLUNA

SKREF 1 – UPPFÆRSLA SETT Í GANG

Þú getur athugað með hugbúnaðaruppfærslur á InControl Touch Pro með því að fara í „Settings > All Settings > Software update“ (Stillingar > Allar stillingar > Hugbúnaðaruppfærsla) og ýta á „Check for update“ (leita að uppfærslu í boði). Ef uppfærsla er í boði mun skjágluggi með þremur valkostum birtast á snertiskjánum: „Install now“, „Remind me later“ eða „Skip update“ (uppfæra núna, minna mig á síðar, sleppa uppfærslu).

SKREF 2 – UPPSETNING

Eftir að ýtt er á „Install now“ (uppfæra núna) og skilmálarnir hafa verið samþykktir mun uppfærslan hefjast. Þú getur notað bílinn eins og vanalega á meðan uppfærslan á InControl Touch Pro stendur yfir.

SKREF 3 – UPPSETNINGU LOKIÐ

Þegar uppfærslunni er lokið birtist tilkynning þess efnis á snertiskjánum. Nú hefur bíllinn þinn verið uppfærður með nýjustu hugbúnaðarútgáfunni.

ÚTGÁFUUPPLÝSINGAR UM HUGBÚNAÐARUPPFÆRSLU

Þú getur skoðað innihaldið í öllum hugbúnaðarútgáfum með tenglunum hér að neðan:

19A3 – HUGBÚNAÐARÚTGÁFA

19A4 – HUGBÚNAÐARÚTGÁFA

19B – HUGBÚNAÐARÚTGÁFA

HUGBÚNAÐARUPPFÆRSLUR – ALGENGAR SPURNINGAR

OPEN ALL

ALMENN SAMANTEKT

SVONA TENGIRÐU BÍLINN

SVONA VIRKJARÐU HUGBÚNAÐARUPPFÆRSLUR

SVONA SETURÐU HUGBÚNAÐARUPPÆRSLU Í GANG

Hvernig veit ég hvort uppfærsla er í boði?
Þegar uppfærsla er í boði birtist skjágluggi með tilkynningu þess efnis á snertiskjánum. Þú getur einnig athugað handvirkt hvort uppfærslur eru í boði með því að opna „Settings > All Settings > Software update > Check for update“ (Stillingar > Allar stillingar > Hugbúnaðaruppfærsla > Leita að uppfærslu í boði).

Hvernig framkvæmi ég uppfærslu á InControl Touch Pro?
Á snertiskjánum birtist skjágluggi með tilkynningu um að hægt sé að hlaða niður/setja upp uppfærslu. Þegar hún hefur verið samþykkt fer niðurhal og uppsetning í gang. Uppfærslan hefur engin áhrif á akstursupplifun þína og þú getur haldið áfram að nota bílinn eins og vanalega. Þegar uppsetningarferlinu er lokið birtist tilkynning þess efnis á snertiskjánum.

Ég hef þegar samþykkt niðurhalið; get ég samt notað bílinn?
Já, á meðan kerfið er hlaða niður geturðu notað bílinn eins og vanalega.

Hvernig veit ég hvenær hugbúnaðaruppfærslu er lokið?
Tilkynning á snertiskjánum upplýsir þig um það hvenær uppsetningu á hugbúnaðinum er lokið.

Get ég stöðvað uppsetninguna eftir að hún hefst?
Nei, ekki er hægt að stöðva uppsetninguna eftir að hún hefst.

Hvað þarf ég að gera áður en ég set upp uppfærslu?
Til að setja upp uppfærslu þarftu að:

Kveikja á hugbúnaðaruppfærslum með því að opna „Settings > All Settings > Software update“ (Stillingar > Allar stillingar > Hugbúnaðaruppfærsla)
Samþykkja skilmálana fyrir niðurhal og uppsetningu
Hlaða uppfærslunni niður í bílinn þinn
Viðhalda Wi-Fi- eða farsímatengingu meðan á ferlinu stendur
Hafa bílinn læstan og kveikt á öryggiskerfum til að uppfærslan geti hafist (gildir aðeins um uppfærslur á tengimöguleikakerfi)
Þegar uppfæra á rafbíl þarf að taka hleðslusnúruna úr sambandi

Hvernig framkvæmi ég uppfærslu á tengimöguleikakerfi bílsins?
Á snertiskjánum birtist skjágluggi með tilkynningu um að hægt sé að hlaða niður uppfærslu og þegar niðurhali er lokið birtist annar skjágluggi til að setja upp uppfærsluna. Ekki er hægt að stöðva uppsetninguna eftir að hún hefur verið ræst. Uppsetningin getur tekið allt að 30 mínútur. Á þeim tíma geturðu opnað bílinn en ekki er hægt að aka honum fyrr en uppfærslunni er lokið.

Hversu langan tíma tekur uppsetningin á hugbúnaðaruppfærslunni?
Uppsetningin getur tekið allt að 30 mínútur. Þú getur ekki notað bílinn á meðan settar eru upp uppfærslur á tengimöguleika- og rafhlöðustýrikerfi. Þú getur notað bílinn eins og vanalega á meðan uppfærslan á InControl Touch Pro-kerfi stendur yfir.

Þarf ég að vera með nettengingu þegar uppsetningin fer fram?
Já, þú þarft að vera með farsíma- eða Wi-Fi-tengingu fyrir niðurhalið og til að ljúka uppsetningunni.

LAUSN Á VANDAMÁLUM

Niðurhalið mistókst, hvað ætti ég að gera?
Þú getur notað bílinn þinn eins og vanalega. Niðurhal sem mistekst hefur engin áhrif á virkni bílsins. Hafðu samband við viðskiptavinamiðstöð Land Rover (Land Rover Customer Relationship Centre) eða næsta söluaðila Land Rover og málið verður kannað nánar.

Ég sleppti uppfærslu en vil núna setja hana upp. Hvað ætti ég að gera?
Þú getur fundið uppfærsluna með því að opna „Settings > All Settings > Software update > Check for update“ (Stillingar > Allar stillingar > Hugbúnaðaruppfærsla > Leita að uppfærslu í boði) á snertiskjánum. Ef uppfærsla er í boði mun skjágluggi birtast á snertiskjánum þar sem þú getur valið að hlaða niður/setja upp uppfærsluna. Ef þú vilt frekar geturðu heimsótt næsta söluaðila Land Rover og fengið þar aðstoð við uppfærsluna.

Get ég komið í veg fyrir að aðrir einstaklingar uppfæri hugbúnaðinn?
Já, þú getur valið PIN-númer til að læsa stillingum þínum á hugbúnaðaruppfærslum. Til að gera það opnarðu „Settings > All Settings > Software update“ (Stillingar > Allar stillingar > Hugbúnaðaruppfærsla) og velur lástáknið.

Hvers vegna hef ég ekki séð neina tilkynningu um uppfærslu á Incontrol Touch Pro?
Uppfærslur á InControl Touch Pro krefjast annað hvort Wi-Fi-tengingar eða SIM-korts í bílnum. Athugaðu hvort SIM-kortið þitt er uppsett og hvort það virkar sem skyldi. Þú getur einnig heimsótt næsta söluaðila Land Rover og fengið þar aðstoð við uppfærsluna.

Niðurhalið mistókst, hvað ætti ég að gera?
Ef vandamál koma upp í bílnum þegar hann endurræsir sig eftir uppfærslu skaltu hafa samband við vegahjálp eða næsta söluaðila Land Rover og málið verður kannað nánar.

Get ég uppfært hugbúnaðinn þegar ég er erlendis?
Já. Það gæti hins vegar haft reikigjöld í för með sér, allt eftir gagnaáskrift þinni í bílnum.

Þarf ég að vera með incontrol-reikning til að fá hugbúnaðaruppfærslur?
Nei, þú þarft ekki InControl-reikning til að fá hugbúnaðaruppfærslur.